馬田之歌

Cantonese R&B

March 20th, 2024suno

Lyrics

轉自 Yahoo 娛樂圈】文苑飯莊總監商台解釋網上紛爭由來被踢爆疑似係盧覓雪老友當事人馬田拎錄音還原真相擁有過百萬訂閱嘅 Youtube 頻道「點 Cook Guide」嘅主理人馬田，日前帶埋父母去到被稱為「名人飯堂」嘅文苑飯莊用膳，但就批評用膳體驗極差，認為菜式難食又唔抵食之外，仲被餐廳營運總監禁止拍攝。而同一日另一YouTube頻道「有啖好食 Perfect Continuous Eat」咁啱都係發布去文苑飯莊用餐嘅影片，但係「有啖好食」獲准拍攝餐廳環境及同菜式之外，仲大讚餐廳各方面都有水準，同馬田嘅食評相差甚遠，令網民熱烈討論。捲入事件嘅文苑飯莊營運總監CK喺風波爆出後，早前接受商台雷霆881《在晴朗的一天出發》訪問，以另一角度還原事件。當時CK指唔知道馬田係foodie，對方亦冇表露身份，但就指馬田同老人家匿喺間包廂房，完全無嗌嘢食，但就set晒機拍攝，又指馬田唔俾侍應入去招呼等・CK又強調所有foodie拍攝食嘢都係自費，而且食物質素一視同仁，並且歡迎喺唔打擾其他人嘅情況之下，客人可以拍攝。而馬田尋日就上載新片回應CK，仲剪輯部份同餐廳嘅對話錄音還原真相。首先CK話安排房間俾馬田，但馬田公開同文苑嘅對話貼圖，指佢地並冇要求坐房。而CK指馬田佢地冇點菜，馬田就話佢地訂4人枱，當時得3個人坐，即係有人遲到（遲嘅係馬田），唔難理解點解未點菜，而且馬田稱文苑冇提到用餐時限，亦冇提醒佢地要點菜。而馬田趕到時，有侍應入包廂招呼，但馬田媽媽就同對方講「等佢抖順條氣先」。至於CK 所講嘅「set晒機拍攝」，馬田就展示當日使用嘅器材，就係一部單反相機連座枱腳架。馬田條片出街後，唔少網民認為本來件事沉寂咗，但因為CK嘅回應而自製公關災難。更有網友搵到叱咤903《在晴朗的一天出發》facebook專頁舊相，見到一班主持食點心，並且話係主持之一盧覓雪嘅老友CK送上，而照片所見嘅外賣袋係屬於文苑。另外，903晴朗主持不時去文苑飯局，令網民質疑CK 係咪靠交情而可以喺大氣電波解釋事件。

馬田之歌

Lyrics

Recommended