火腩之歌

[short intro] [Verse 1] 我每食完一碟火腩飯之後，都會同我女朋友講分手 因為我知道, 佢已經唔再明白我 佢唔知道我喺茶記所經歷過既有幾多 [Verse 2] 佢問我食乜, 我真係唔想答佢 日本野? 秦國野? 真係膚淺 究竟我仲可以點樣繼續忍受自己既伴侶將d生既肉放入口 每舊火腩都經過紅紅烈火，百度高溫 係經過歷煉, 係經過漫長既試鍊 每一舊都有佢既歷史，佢既故事 魚生究竟有d乜? 根本就好似d白痴港女咁，一無所知, [outtro] 戇鳩鳩, 生勾勾 [Chorus] 我恨我既人生唔可以好似火腩錦 搵到咁多好既伴侶, 豆腐, 涼瓜, 冬瓜, 枝竹..各有特色 亦搵唔到咁多知音人, [Verse 1] 有時侯, 我自己一個坐o係茶記食火腩飯 我覺得自己係孤獨, 我覺得呢個世界係冇人明白我 我叫左枝青島, 我望住杯入面黃色既啤酒 我望唔透, 我望唔清究竟呢個世界仲有幾多野我係掌握到 我好迷茫 [Verse 2] 我離開間茶記, 我俾錢既時侯發覺有個OL食緊枝竹火腩飯 我望住佢, 佢望住我 我地互相點點頭 我好感動, 原來呢個世界仲有人係同我有相同既諗法 [chorus] 我忍住淚水 走出茶記, 點起支煙, 頭都冇回就走返屋企 或者個OL會問, 點解我放棄呢一段咁難得既姻緣 我唔知道 o係呢一刻 我覺得我係一個浪子 [end]