Apocalisse

Vidi caelum novum et terram novam, et civitatem sanctam, Jerusalem novam descendentem de caelo, a Deo paratam, et audivi vocem magnam de throno dicentem: “Ecce tabernaculum Dei cum hominibus, et habitabit cum eis, et ipsi populus eius erunt, et ipse Deus cum eis erit eorum Deus.” Agnus Dei Dignus es, Domine, accipere librum, et aperire signacula eius, quia occisus es, et redemisti nos Deo in sanguine tuo, ex omni tribu, et lingua, et populo, et natione, et fecisti nos Deo nostro regnum, et sacerdotes, et regnabimus super terram. Sanctus Sanctus, Sanctus, Sanctus, Dominus Deus omnipotens, qui erat, et qui est, et qui venturus est, et clamabant alter ad alterum: “Sanctus, Sanctus, Sanctus, Dominus Deus Sabaoth, plena est omnis terra gloria eius.” Maranatha Spiritus et sponsa dicunt: “Veni!” Et qui audit, dicat: “Veni!” Et qui sitit, veniat; qui vult, accipiat aquam vitae gratis. Qui testimonium perhibet istorum dicit: “Etiam, venio cito.” Amen. Veni, Domine Jesu.