Wawacan Babad Sumedang

Kocapkeun ieu carita, Prabu Linggawastu tadi, lambat lambut jumenengna, ahirna mangké gumanti, anu kasebut diluhur, ngéréh nagri Sumedang, ratu agama muslimin, awit ngéréh eusi nagri agama Buda. Sanggeusna jeneng Bupati, Geusan Ulun téh garwaan, nu kaitung wargi keneh, saestuna wargi Sumedang, ngan tedak Pajajaran, nami Nyimas Gedang Waru, putri nu ahli tatapa Pihaturna Geusan Ulun, sadaya-daya kairing. Kocap Ratu Harisbaya, saban poé saban peuting, tambah-tambah kagiwangna, méh teu bisa mengkek galih Tunda heula nu keur bungah galih, Geusan Ulun sareng Harisbaya, sasat keur oléng pangantén, beurang peuting dirarubung, ku sadaya ais pangampih, pada mungpung kasukan, ayeuna kacatur, Girilaya sadatangna, nu nyarusul balad-baladna perjurit, nu nyarusul garwana Kacatukeun geus prung baé tarung perang, hanteu silih tanya deui, jalma nu opatan, dihurup ku ratusan, tapi hanteu pisan gingsir, najan opatan, padangawatek aji.