माघ शुद्ध भानु षष्ठी पर्वकाळ

माघ शुद्ध भानु षष्ठी पर्वकाळ । श्रीकृष्ण खळाळ महापूजा ॥ १ ॥ ब्रह्मपुरीहूनी तीर्थ प्रदक्षिणा । श्रीकृष्ण चरणा हेत प्रीती ॥ २ ॥ सहस्र धनुष्ये प्रदक्षिणा येक । वैकुंठनायक सुप्रसन्न ॥ ३ ॥ कनक तरुची छाया परिपूर्ण | अभंग श्रीकृष्णा जळावरी ॥ ४ ॥ पाऊली श्रीकृष्ण देवाची खडकी । अश्वत्थ कनकी छायेखाली ॥ ५ ॥ | देहुडे ठाणीची प्रत्यक्ष हे खूण। गोपाळ श्रीकृष्ण खेळले हे ॥ ६॥ हेमतरु तळी सर्व देव ऋषी । प्रयागादि काशी तीर्थ पर्व ॥ ७ ॥ हरिहर जळाचिया घाटावरी | मूळमूर्ति हरी हर सदा ॥ ८ ॥ परिवार देव ऋषीचा सकळ । कनक विशाल छायेखाली ॥ ९ ॥ असाध्य हे वस्तु साध्य झाली देवा। प्रसाद मानवा तयाचा हा ॥१०॥ माता पिता गुरु अभ्यागत देव | साहा जाले सर्व सर्वापरी ।। ११ ।। ऐसा लाभ ज्यानी आणोनी जोडीले । काय त्यासी दिले केव्हा आम्ही ॥ १२ ॥ सुप्रसन्न देव आयता सदूरु। भेटला उदारु कर्ता ऐसा ।। १३ ॥ संगतीचा गुण सत्य काया वाचा प्राणी प्रचितीचा वोळखीया ॥१४ || सदरु संगती स्वप्ना जरी जाली | तरी तेचि आली सर्व कार्या ॥ १५॥ प्रताप सागर तरणी प्रताप | क्षिती माय बाप नभ गुरु ।। १६ ।। सर्व रुप गुरु सर्वा शोभीवंत । कृपा अखंडित सद्रुची ।। १७ ।। ऐसे तीर कृष्णा ऐसा तरुवर। ऐसा कटीकर दावियेला ।। १८ ।। ऐश्या गुरुवरा ऐशी नित्यस्थिती। साऊली विश्रांती सकळीका ।। १९ || तापलीया वेळा विश्रांती साऊली। सद्रुरु माऊली कृपावत ॥ २० ॥ जयाच्या प्रसादे सर्वही पाहिले । प्रचितीस आले गुरुकृपे ।। २१ ।। वरील सद्गुरु कृपा हे चि बळ । सर्व कर्ते खेळ त्रिजगीचा ॥ २२ ॥ गुरु कृपाबळे लेखणी दऊत । श्रीकृष्ण विख्यात वाळुवंटी ।। २३ ।। तुकाविप्र हरि गुरु भक्ती भाव । सत्ता सत्य सर्व सद्गुरु हे ॥ २४ ॥ तुकाविप्र हरि गुरु भक्ती भाव । सत्ता सत्य सर्व सद्गुरु हे ॥ २४ ॥ माघ शुद्ध भानु षष्ठी पर्वकाळ । श्रीकृष्ण खळाळ महापूजा ॥ १ ॥