Hanuman Chalisa

meditative feel, incorporating traditional Indian instruments like the sitar, tabla, and flute, c3# pitch, Male voice

August 7th, 2024suno

Lyrics

दोहा: श्रीगुरु चरन सरोज रज, निज मनु मुकुरु सुधारि। बरनउँ रघुबर बिमल जसु, जो दायकु फल चारि॥ बुद्धिहीन तनु जानिके, सुमिरौं पवन-कुमार। बल बुद्धि बिद्या देहु मोहिं, हरहु कलेस बिकार॥ चौपाई: जय हनुमान ज्ञान गुण सागर। जय कपीस तिहुँ लोक उजागर॥ राम दूत अतुलित बल धामा। अंजनि-पुत्र पवनसुत नामा॥ महाबीर बिक्रम बजरंगी। कुमति निवार सुमति के संगी॥ कंचन बरन बिराज सुबेसा। कानन कुंडल कुंचित केसा॥ हाथ वज्र औ ध्वजा बिराजे। काँधे मूँज जनेऊ साजे॥ संकर सुवन केसरी नंदन। तेज प्रताप महा जग बन्दन॥ विद्यावान गुनी अति चातुर। राम काज करिबे को आतुर॥ प्रभु चरित्र सुनिबे को रसिया। राम लखन सीता मन बसिया॥ सूक्ष्म रूप धरि सियहिं दिखावा। बिकट रूप धरि लंक जरावा॥ भीम रूप धरि असुर सँहारे। रामचन्द्र के काज सँवारे॥ लाय सजीवन लखन जियाये। श्रीरघुबीर हरषि उर लाये॥ रघुपति कीन्ही बहुत बड़ाई। तुम मम प्रिय भरतहि सम भाई॥ सहस बदन तुम्हरो जस गावैं। अस कहि श्रीपति कंठ लगावैं॥ सनकादिक ब्रह्मादि मुनीसा। नारद सारद सहित अहीसा॥ जम कुबेर दिगपाल जहाँ ते। कवि कोविद कहि सके कहाँ ते॥ तुम उपकार सुग्रीवहिं कीन्हा। राम मिलाय राजपद दीन्हा॥ तुम्हरो मंत्र बिभीषण माना। लंकेश्वर भए सब जग जाना॥ जुग सहस्र जोजन पर भानू। लील्यो ताहि मधुर फल जानू॥ प्रभु मुद्रिका मेलि मुख माहीं। जलधि लाँघि गये अचरज नाहीं॥ दुर्गम काज जगत के जेते। सुगम अनुग्रह तुम्हरे तेते॥ राम दुआरे तुम रखवारे। होत न आज्ञा बिनु पैसारे॥ सब सुख लहै तुम्हारी सरना। तुम रक्षक काहू को डर ना॥ आपन तेज सम्हारो आपै। तीनों लोक हाँक तें काँपै॥ भूत पिसाच निकट नहिं आवै। महाबीर जब नाम सुनावै॥ नासै रोग हरै सब पीरा। जपत निरंतर हनुमत बीरा॥ संकट तें हनुमान छुड़ावै। मन क्रम बचन ध्यान जो लावै॥ सब पर राम तपस्वी राजा। तिन के काज सकल तुम साजा॥ और मनोरथ जो कोई लावै। सोइ अमित जीवन फल पावै॥ चारों जुग परताप तुम्हारा। है परसिद्ध जगत उजियारा॥ साधु संत के तुम रखवारे। असुर निकंदन राम दुलारे॥ अष्ट सिद्धि नौ निधि के दाता। अस बर दीन जानकी माता॥ राम रसायन तुम्हरे पासा। सदा रहो रघुपति के दासा॥ तुम्हरे भजन राम को पावै। जनम जनम के दुख बिसरावै॥ अंत काल रघुबर पुर जाई। जहाँ जन्म हरि-भक्त कहाई॥ और देवता चित्त न धरई। हनुमत सेइ सर्ब सुख करई॥ संकट कटै मिटै सब पीरा। जो सुमिरै हनुमत बलबीरा॥ जय जय जय हनुमान गोसाईं। कृपा करहु गुरुदेव की नाईं॥ जो सत बार पाठ कर कोई। छूटहि बंदि महा सुख होई॥ जो यह पढ़ै हनुमान चालीसा। होय सिद्धि साखी गौरीसा॥ तुलसीदास सदा हरि चेरा। कीजै नाथ हृदय महँ डेरा॥ दोहा: पवन तनय संकट हरन, मंगल मूरति रूप। राम लखन सीता सहित, हृदय बसहु सुर भूप॥

Recommended

Твои Глаза
Твои Глаза

electronic rhythmic pop

Electric Soul
Electric Soul

Funky Techno Beats, Heavy Rick Guitars, 90's Male Rock Vocals, High quality Audio

Bagarn Hänger Tvätt
Bagarn Hänger Tvätt

heavy rock electric aggressive

Crack In the Silence
Crack In the Silence

haunting rock atmospheric, girl vocals

Castle Shadows
Castle Shadows

Dark bellowing deep male voice, atmospheric, ambient

At The Door
At The Door

folk, rock, upbeat, rhythmic, violin, deep bass, layered vocals, chug, goovy bass guitar, heavy buildup, intense

Belek
Belek

HQ clean, dark frosty tundra shamanic-inspired abstract avant-garde minimal tribal ambient psychedelic anti-folk aerial

⏳Time Flies 2.0⏳
⏳Time Flies 2.0⏳

Electro pop, synth, male voice, beat

I loved you so much (Joji ahh track)
I loved you so much (Joji ahh track)

UK Drill, bossa nova, male rapper, singing chorus

Nursing Dread
Nursing Dread

thrash metal

Running
Running

Heavy metal rock and roll bass drums jazz hard rock

Песня Забавы (вариант 2)
Песня Забавы (вариант 2)

evil disco opera, happy female vocal

Merpati Cinta
Merpati Cinta

rock, dance, acoustic guitar, reggae, guitar, male vocals

The #AlbatrosSuite
The #AlbatrosSuite

Guitarra Espanola

carta perrosanxe
carta perrosanxe

reggaeton dembow dominicano

月亮还没来(翻)
月亮还没来(翻)

lo-fi Japanese city funk rain, girl feat.