得四五千如何投資好？

講真，四五千話多唔多話少唔少，我建議你上大陸搞生意，香港已經冇咩發展空間喇。你先去買兩張廣州直通車飛，就四百蚊，再去信和買一千蚊咸碟，同佢講大量買打個折，應該買到五十隻以上，要買鬼妹同日本妹的，唔好買其他，理由下面再講。 坐到上廣州你手上仲有一百蚊，去買包雲煙五蚊，然後係車站旁邊睇下邊個蛇頭鼠眼，打個眼色比佢佢就知你想唱假人仔，九十蚊唱五百蚊番黎，同佢講要唱散唔要一百蚊紙。唱完拎包煙出黎問佢食唔食，佢見你幫襯佢就有計傾，你打蛇隨棍上問下邊到賣咸碟好。 將淨低果五蚊打散，用一蚊搭巴士入城，搵佢講既地方。然後搵間士多買罐可樂，比唱番黎既假五十蚊佢，找番四十七蚊真人仔，袋好準備最後用。 等到日落你就開始擺地攤，乜都唔洗，只要擺一塊黃布企係隔黎人地就知咩事。大陸憤青最憎架仔，暴發戶又媚外，你啲架妹同鬼妹碟勁好賣。啲碟唔係跟身，搵條後巷收好，有人黎就帶佢去收貨，一隻賣佢一百蚊，一路賣一收收錢之餘一路將你啲假人仔唱番晒出去。 賣完五十隻，你應該已經賺到五千蚊，連埋你本身果四十七蚊加四蚊，已有五千零五十二蚊，你既利潤一百percent，冇野好搵得過咁。如是這你重複五十次，你既複利率收益已過億，可以買張武漢高鐵飛坐去溫州，用現金收購就黎執既廠，再請人造名牌手袋當真賣，不出三個月可翻十倍，到時應該有正牌注意到你，同你打官司，你就比五千萬個官庭外和解，跟住執左間廠，渣住九千五百萬番黎香港準備買殼股上市。 上市後洗人去蒙古做假新聞，話你間野挖到地下有稀土，即時炒起隻股，三日內再賺十倍，然後配股比基金佬配到自己既股份唔夠五percent，你就正式引退，求其捐一千萬比仁濟醫院拎個名人身份黎做，再洗一百萬登七張報紙支持政改同起高鐵，等特區政府頒大紫荊比你。 最後一步，就係等，等咩野？等天災。你最後需要既係一個機會，一有大型天災係內地發生，你捐會副身家上去，然後係街執垃圾比香港傳媒影到，舉世讚美你，一年內就做人大。 做人大後你有得選舉共產黨既常委，選自己，呢個時候唔好忘記你當初留低既四十七蚊加四蚊，去搵萬里，佢係中共前朝唯一未死既大佬，你拎呢五十二蚊出黎話係你全副身家，佢會深受感動，重拾共產黨當年起義既激情，結果拉人隊幫拖投你，以佢既影響你你足到被委任為黨主席，去到呢步，唔洗再講啦⋯⋯