මල් මිටක්.... දිසාපාමොක් පරපුරට..... ❤️

දරා නැතිමුත් දරු ගැබේ, දරු කැලට දී දරු සෙනෙහසක්... සතපවා නැති නමුත් දරුවන් රකී තම දරුවන් ලෙසින්... දිසාපාමොක් පරපුරේ ගුරු මව්වරුන් සහ පියවරුන්... පුදන්නට එක දිනක් පමනක් ඇතිද ඒ මෙහෙවර නමින්... සිප් කිරි පොවා මූසිලයින් බල ගන්වා... ගුත්තිල පරපුරේ සමවත් සුව විඳිනා... දෙවියන් බුදුන් ළඟ ලොව්තුරු සුව සොයනා... ගුරු දෙවියනේ පායුග දෝතින් වැන්දා... ලියන හැම අකුරක්ම ගානේ දුන්න සෙනෙහස තියෙනවා... මතක සැමරුම් අතර ගුරු දෙවි සමරු සටහන් මැවෙනවා... දහස් වර ඔබ දුන්නු ඔවදන් තාම මතකෙට එබෙනවා... දෑස් පෑදූ ගුරු දෙවිඳු පා නිතර මතකෙන් පුදනවා... පුදන්නෙමි මේ අකුරු සිතුවම් ගුරුවරුනි නුඹලා නමින්... දෙපා නමදිමි පුබුදවා මල් හදවතේ සැමටම පෙමින්... පොවා සිප් කිරි දුන්නු ඔවදන් දැනෙනවා මහමෙර ලෙසින්... දොහොත් මුදුනේ තබා වඳිනෙමි ඉතින් සමරමි හදවතින්...