Dayalektong Dami' Tala (rap low bass) v2

Pagtama ng sikat-araw sa 'ting buong kapuluan Bumubulong sa hangin ay bahaghari ng awitan Wari'y hinabi 'mutawi sari't sarong panitikan Nanalaytay sa 'ting ugat alamat ng kasarinlan Dumidibuho, bumuo sa ating mga kaluluwa Tumawid sa mga dagat at bundok, lupang tumutula Ang kumakaway sa hangin ninunong ang mata'y tuwa Ang araw madilaw, silaw O, 'wag bumitaw - lumaya Tahakin ng sama-sama sasabay sa kapalaran Bagong mundo ay lumitaw ilaw, daang walang hanggan Pangarap 'wag isusuko bitbiting may katapangan Taas-noong bumababag Pag-unlad-salita'y tangan Ito na ang tamang panahon, ang buhay ay tinatatwa Hagibis teknolohiya diwa nati'y namamangha Kaya ba nating sumabay basta't ito'y 'di himala Tanging sandigan natin ay dayalektong dami'y tala